فضائیہ کے ہیلی کاپٹر کی لداخ میں ہوئی ایمرجنسی لینڈنگ، دونوں پائلٹ محفوظ، کورٹ آف انکوائری کا حکم جاری

انڈین ایئر فورس (آئی اے ایف) نے اس واقعہ کے تعلق سے ایک مختصر بیان جاری کیا ہے جس میں کہا ہے کہ ’’آئی اے ایف کے اپاچے ہیلی کاپٹر نے 3 اپریل کو لداخ میں ایک ٹرانسپورٹیشن ٹریننگ پرواز کے دوران احتیاطی لینڈنگ کی۔ اس لینڈنگ کے عمل کے دوران اتار چڑھاؤ والے علاقے اور زیادہ اونچائی کے سبب اسے (ہیلی کاپٹر کو) نقصان پہنچا۔‘‘ اس میں مزید کہا گیا ہے کہ ’’طیارہ پر سوار دونوں پائلٹ محفوظ ہیں اور انھیں نزدیکی ایئربیس لے جایا گیا ہے۔ ایمرجنسی لینڈنگ کی وجہ کا پتہ لگانے کے لیے کوارٹ آف انکوائری کا حکم دیا گیا ہے۔‘‘