[]
حیدرآباد: باولی میں گرجانے کے نتیجہ میں چور کی موت ہوگئی۔یہ واقعہ تلنگانہ کے ضلع منچریال میں پیش آیا۔اس چور نے ایک مکان میں چوری کی کوشش کی تھی۔اس کو بعض افراد نے دیکھ لیا۔
ان کی چیخ وپکار پر اس نے بھاگنے کی کوشش کے دوران اچانک باولی میں چھلانگ لگادی جس کے نتیجہ میں اس کی موت ہوگئی۔ضلع کے آئی بی چوراہا علاقہ میں یہ چور بیت الخلا کی دیوار کو پھلانگ کر ایک مکان میں داخل ہوا۔
تاہم مکان میں رہنے والوں نے اس کو دیکھ کر چیخ وپکار شروع کردی جس پر وہ جلدی سے وہاں سے فرار ہونے کی کوشش کررہا تھا۔اسی دوران باولی میں گرنے سے اس کی موت ہوگئی۔اس واقعہ کا فوٹیج سی سی ٹی وی میں قید ہوگیا۔مکان مالک نے اس خصوص میں پولیس کو اطلاع دی۔
