[]
حیدرآباد: ناجائز تعلقات کی بنیاد پر ایک شخص کے قتل کی واردات کے سلسلہ میں پولیس نے 5ملزمین کو گرفتارکرتے ہوئے ریمانڈ کردیا۔
تفصیلات کے مطابق تلنگانہ کے ضلع نلگنڈہ کے اینی شٹی دوپلاپلی علاقہ میں اس ماہ کی 17تاریخ کو یہ واردات پیش آئی تھی۔
ناویا نامی ایک شادی شدہ خاتون کے ناجائز تعلقات گھر کے قریب واقع شراب کی دکان میں کام کرنے والے ستیش نامی شخص سے ہوگئے تھے۔
خاتون نے ستیش اوراس کے ساتھیوں کی مدد سے اپنے شوہر ایشور کا قتل کردیا۔پولیس نے بتایا کہ منصوبہ کے مطابق ستیش اور تین دیگر افرادنے ایشور کا قتل کردیا اور اس کی لاش کو کنویں میں پھینک دیا۔
ایشور ان ناجائز تعلقات پر بیوی کو انتباہ دے چکا تھا جس کو راستہ سے ہٹانے کے لئے یہ واردات انجام دی گئی۔پولیس نے بیوی کے بشمول پانچوں ملزمین کو گرفتار کر کے ریمانڈ پر بھیج دیا ۔
ہمیں فالو کریں
