رام پور پولیس فائرنگ میں ہلاک دلت نوجوان کے لیے کانگریس نے کیا انصاف کا مطالبہ

بیان میں کہا گیا ہے کہ یہ نہ صرف اتر پردیش کی ریاستی حکومت ہے جو امن و امان قائم کرنے میں ناکام رہی ہے، بلکہ بطور وزیر اعظم یہ نریندر مودی کی بھی ناکامی ہے کیونکہ وہ بی جے پی کے زیر اقتدار اتر پردیش میں ڈبل انجن والی حکومت کی قیادت کر رہے ہیں۔ بی جے پی اور نریندر مودی ایک جانب دلتوں کے حقوق کے لیے کام کرنے کا دعویٰ کرتے ہیں اور دوسری جانب دلتوں کے خلاف ہونے والے جرائم کا ریکارڈ شیئر نہیں کرتے۔ 2014 میں ان کے وزیر اعظم بننے کے بعد سے دلتوں کے خلاف مظالم کے 5,00,000 سے زیادہ کیس رپورٹ ہوئے ہیں جبکہ ایسے کیسز کی تعداد ان سے 6 گنا زیادہ ہو سکتی ہیں جو رپورٹ نہیں ہوئے۔