منی پور میں تشدد کا سبب بننے والے حکم میں ہائی کورٹ نے کی ترمیم

27 مارچ 2023 کے اپنے فیصلے میں منی پور ہائی کورٹ نے ریاستی حکومت کو ہدایت دی تھی کہ وہ میتئی کمیونٹی کو شیڈول ٹرائب (درج فہرست قبائل) کا درجہ دینے پر غور کرے۔ عدالت کے اس فیصلے کے بعد سے ہی ریاست میں بڑے پیمانے پر تشدد بھڑک اٹھا جس کا دھواں ہنوز رہ رہ کر اٹھتا رہتا ہے۔ 3 مئی کو آل ٹرائبل اسٹوڈنٹس یونین منی پور (اے ٹی ایس یو ایم) نے قبائلیوں کا ’اتحاد مارچ‘ نکالا تھا۔ یہ مارچ چراچند پور کے علاقے توربنگ سے نکالی گئی جس کے بعد تشدد پھوٹ پڑا۔