تلنگانہ کے کریم نگر ضلع میں پیش آئے ایک عجیب و غریب واقعہ میں رشوت کی رقم لیتے ہوئے رنگے ہاتھوں پکڑے جانے والے عہدیدارنے جذباتی انداز میں روناشروع کردیا۔
یہ واقعہ ضلع کریم نگر کے حضورآبادٹاون میں پیش آیا۔ پکڑے جانے کے بعد روتے ہوئے نظر آنے والے عہدیدارکا ویڈیو سوشل میڈیا پلیٹ فارم پر وائرل ہوگیا۔اس ویڈیو میں دکھایا گیا ہے
کہ حضور آباد میں ریونیو ڈویژنل آفیسر کے کیمپ کلرک سندیپ کو سادہ کپڑوں میں ملبوس عہدیداروں نے ‘ رشوت کی رقم کی وصولی پر کئے جانے والے ٹسٹ کے لیے اپنے ہاتھ دو گلاس پانی میں ڈبونے کا مشورہ دیا۔
ایک کیمیائی مادہ ہاتھوں پر کیمیکل کے نشانات کے ساتھ پانی میں چھوڑنے پر، پانی گلابی ہو جاتا ہے اور اسے رشوت کی رقم کے قبول ہونے کے حتمی ثبوت کے طور پر استعمال کیا جاتا ہے۔ اینٹی کرپشن بیورو عام طور پر کرنسی نوٹوں پر غیر مرئی کیمیکل کا موٹا کوٹ لگانے کے بعد رشوت کی مانگی گئی رقم شکایت کنندہ کو دے دیتا ہے۔
شکایت کنندہ کے رشوت کی رقم عہدیدارکے حوالے کرنے کے بعد، اے سی بی کے عہدیدارجو سادہ لباس میں انتظار میں بیٹھے تھے، شکایت کنندہ کی جانب سے عہدیدار کی جانب سے رقم قبول کیے جانے کا اشارہ ملنے پر اس پر جھپٹ پڑے۔ عمومارشوت کی رقم قبول کرنے پرکرنسی عہدیدارکے پاس سے برآمد کی جاتی ہے اور رشوت لینے والے عہدیدار کے دوہاتھوں کی انگلیوں کو دو گلاسوں میں پانی میں ہاتھ ڈبو دیا جاتا ہے
۔اس کے بعد گلابی رنگ کے پانی کو کرنسی نوٹوں کے ڈبوں کے ساتھ مہربند کر دیا جاتا ہے۔اس کو رشوت قبول کیے جانے کے ‘ناقابل تردید’ اور حتمی ثبوت کے طور پر عدالت میں پیش کیاجاتا ہے
۔موجودہ معاملہ میں، آر ڈی او کے کیمپ کلرک سندیپ پر الزام لگایا گیا تھا کہ اس نے کسی کام کے لئے ایک کسان سے 75,000 روپے رشوت مانگی اور قبول کی۔ گرفتار عہدیدارکو عدالت میں پیش کیا جا رہا ہے۔
