[]
لندن: برطانیہ میں ایک شراب خانہ کے ٹوائلٹ میں نومولود بچی مردہ حالت میں پائی گئی۔ برطانوی میڈیا کے مطابق یہ دل دہلا دینے والا واقعہ لیڈز میں آلٹن کے بار میں پیش آیا جہاں ٹوائلٹ میں ایک مردہ نومولود کو دیکھا گیا اور پولیس کی اطلاع دی گئی تھی۔
ویسٹ یارک یائر کاؤنٹی پولیس نے نومولود کی لاش کو اسپتال منتقل کردیا تاہم اس کا کوئی وارث تاحال سامنے نہیں آیا۔ اس حوالے سے پولیس کی تفتیش ابھی جاری ہے۔
تفتیشی عہدیدار کا کہنا ہے کہ پہلی ترجیح نومولود کی ماں کو ڈھونڈنا ہے، جنھیں اس وقت فوری طبی امداد کی ضرورت ہوگی۔ اس لیے ماں سے کہتے ہیں کہ وہ اپنی صحت کی خاطر سامنے آئیں۔
ویسٹ یارک یائر کاؤنٹی پولیس کے تفتیشی عہدیدار نے مزید کہا کہ نیشنل ہیلتھ سروس کے ساتھ مکمل رابطہ میں ہیں تاکہ ماں کو تلاش کرکے ضروری طبی امداد فراہم کی جا سکے۔ پولیس نے اس حوالے سے شراب خانے کے مالکان، عملہ اور وہاں آنے والوں سے بھی تفتیش کی ہے تاہم نومولود کے لواحقین کا کچھ پتا نہیں چل سکا۔
ہمیں فالو کریں
