[]
حیدرآباد: تلنگانہ کا متحدہ عادل آباد ضلع شدید سردی کی لپیٹ میں ہے جہاں پر اقل ترین درجہ حرارت ایجنسی علاقوں میں واحد عدد تک جاپہنچا ہے۔
ضلع کے علاقہ ارلیٹی میں اقل ترین درجہ حرارت 7.2ڈگری سلسیس درج کیاگیا۔کومرم بھیم آصف آبادکے سرپور میں اقل ترین درجہ حرارت 10ڈگری سلسیس،نرمل ضلع میں بعض مقامات پر 11.2ڈگری سلسیس،منچریال ضلع کے جنارم میں 15.7ڈگری سلسیس درج کیاگیا۔
ضلع میں صبح کے اوقات میں کہر کی وجہ سے گاڑی سواروں کو مشکل صورتحال کا سامناکرناپڑرہا ہے۔
کئی گاڑی سوار اپنی گاڑیوں کی ہیڈلائٹس کو کھولتے ہوئے گاڑی چلانے پر مجبور ہیں۔دوسری طرف صبح کے اوقات میں چہل قدمی کے لئے جانے والے افراد اور کسان اپنے معمول کے شیڈول کے برخلاف تاخیر سے اپنے کاموں اور سرگرمیوں کے لئے روانہ ہورہے ہیں۔
فٹ پاتھس پر سونے والے افرادکو بھی سردی کی وجہ سے کافی مشکل صورتحال کا سامنا ہے۔ کئی لوگ سردی سے بچنے کیلئے گرم کپڑوں جیسے گرم لحافوں اورسوئٹرس کا استعمال کررہے ہیں تو کئی افراد شام ہوتے ہی آگ تاپنے کا کام بھی کررہے ہیں۔
ہمیں فالو کریں
