[]
حیدرآباد: نارائن گوڑہ چوراستے کے قریب شرپسندوں نے فٹ ویر ملازمین پر حملہ کردیا۔ ذرائع کے بموجب اوٹ لوکس فٹ ویر پر پتنگیں بھی فروخت کرنے کے لئے رکھی گئی تھیں۔
اس دوران چند بچوں نے آکر پتنگوں کو چھونے کی کوشش کی۔ شاپ کے ملازمین نے انھیں واپس بھیج دیا۔ بچوں نے جاکر بڑوں سے یہ واقعہ بیان کیا۔
بڑوں میں شامل شرپسندوں نے محمد قیصر اور محمد حبیب پر حملہ کر کے زخمی کردیا۔ زخمیوں کو دواخانہ عثمانیہ سے رجوع کیا گیا۔ سلطان بازار پولیس اسٹیشن میں شکایت درج کروائی گئی۔
تاہم پولیس نے ہمیشہ کی طرح خاموشی اختیار کرلی ہے۔ اس واقعہ کی اطلاع پر مجلس بچاؤ تحریک کے قائد امجد اللہ خان خالد نے اطلاع ملتے ہی مقام واقعہ پہونچ کر تفصیلات معلوم کیں اور پولیس سے نمائندگی کی۔ پولیس نے انھیں تیقن دیا ہے کہ اس سلسلہ میں کارروائی کی جائے گی۔
ہمیں فالو کریں
