[]
کھڑگے نے مزید کہا کہ لوک سبھا میں ہم پارلیمنٹ کی حفاظت کی خلاف ورزی سے متعلق موضوع کو اٹھانا چاہتے تھے کہ ایسا کیوں ہوا، یہ کیسے ہوا اور اس کا ذمہ دار کون ہے؟ ہم چاہتے تھے کہ حکومت ایوان کو اس کے بارے میں بتائے۔ وزیر اعظم اور وزیر داخلہ دونوں ایوان میں نہیں آئے۔ انہیں جو باتیں ایوان میں کرنی چاہئیں وہ باہر کر رہے ہیں۔ انہوں نے کہا کہ حزب اختلاف کے رہنما معطلی کے معاملے پر جمعہ کے روز جنتر منتر پر احتجاج کریں گے۔
خیال رہے کہ ایوان میں حکومت سے جواب کا مطالبہ کرنے پر لوک سبھا اور راجیہ سبھا سے 143 ممبران پارلیمنٹ کو معطل کر دیا گیا ہے۔
