آندھرا پردیش میں خوفناک حادثہ، ڈمپر سے ٹکر کے بعد بس بنی آگ کا گولہ، 14 مسافروں کی موت، 20 زخمی

حادثے میں زخمی ہونے والے تقریباً 20 مسافروں کو مقامی لوگوں اور پولیس کی مدد سے قریبی اسپتالوں میں داخل کرایا گیا ہے جہاں ان کا علاج جاری ہے۔ زخمیوں میں سے بعض کی حالت تشویشناک بتائی جاتی ہے۔ ڈاکٹروں کی ایک ٹیم ان کا علاج کر رہی ہے اور انتظامیہ نے ہر ممکن مدد فراہم کرنے کا وعدہ کیا ہے۔ اس دوران آندھرا پردیش کے وزیراعلیٰ این چندرا بابو نائیڈو نے اس المناک حادثہ پر گہرے دکھ کا اظہار کیا۔ انہوں نے افسران کو ہدایت کی کہ زخمیوں کے علاج معالجے میں کوئی کوتاہی نہ برتی جائے۔ وزیراعلیٰ نے حادثے کی وجوہات کی تفصیلی تحقیقات کا حکم دیتے ہوئے انتظامیہ سے مکمل رپورٹ بھی طلب کر لی ہے۔ انہوں نے یہ بھی کہا کہ یہ واقعہ انتہائی افسوسناک ہے اور حکومت متاثرین کے اہل خانہ کو ہر ممکن مدد فراہم کرے گی۔