[]
حیدرآباد: وزیر اعظم نریندر مودی تلنگانہ اسمبلی انتخابات کے سلسلہ میں بی جے پی کے جلسوں سے خطاب کریں گے۔ وہ اس ماہ کی 7 اور 11 تاریخ کو زعفرانی جماعت کے جلسوں سے خطاب کریں گے۔
بی جے پی کی ریاستی قیادت ان تواریخ میں حیدرآباد، کریم نگر، عادل آباد اور نلگنڈہ اضلاع میں جلسوں کا منصوبہ بنا رہی ہے۔ بی جے پی اس ماہ کی 15 تاریخ سے تلنگانہ میں انتخابی مہم شروع کرے گی۔
پارٹی کے قومی صدر جے پی نڈا، مرکزی وزیر داخلہ امیت شاہ اور مرکزی وزراء وقومی لیڈران اس میں حصہ لیں گے۔ پارٹی کے ذرائع کا کہنا ہے کہ اس ماہ کی 19 تاریخ کے بعد وزیر اعظم ایک بار پھر تلنگانہ میں انتخابی مہم میں حصہ لیں گے۔
