’مودی حکومت نے فلسطینیوں کو چھوڑ دیا!‘ کانگریس نے وزیر اعظم مودی کے دورۂ اسرائیل پر اٹھائے سوال

جے رام رمیش کا کہنا ہے کہ حقیقت یہ ہے کہ مودی حکومت نے انہیں (فلسطینیوں کو) چھوڑ دیا ہے، وہ یہ بھول گئی ہے کہ ہندوستان 18 نومبر 1988 کو فلسطین کو تسلیم کرنے والے اولین ممالک میں سے ایک تھا۔ خبروں کے مطابق مودی 25 فروری کو دو روزہ دورے پر اسرائیل جائیں گے۔ اس دوران ان کا کنیسٹ (اسرائیلی پارلیمنٹ) سے خطاب کرنے کا بھی پروگرام ہے۔ مودی اسرائیل کے وزیراعظم بنجمن نیتن یاہو اور صدر اسحاق ہرزوگ سے بھی ملاقات کریں گے۔