ڈھاکہ: بنگلہ دیش میں جمعرات کو ہونے والے پارلیمانی انتخابات کے دوران ملک کے مختلف علاقوں میں تشدد کے واقعات پیش آئے، جس کے نتیجے میں ایک سیاسی رہنما ہلاک اور متعدد افراد زخمی ہو گئے۔ مقامی ذرائع ابلاغ کے مطابق پولنگ شروع ہونے کے چند گھنٹوں بعد ہی کشیدگی میں اضافہ دیکھا گیا، جس سے امن و امان کی صورتحال پر سوالات اٹھنے لگے ہیں۔
کھُلنا ضلع کے عالیہ مدرسہ پولنگ اسٹیشن پر بنگلہ دیش نیشنلسٹ پارٹی (بی این پی) کے رہنما محب الزمان کوچی ہنگامہ آرائی کے دوران جان کی بازی ہار گئے۔ عینی شاہدین اور پولیس کے حوالے سے رپورٹ کیا گیا کہ جمعرات کی صبح بی این پی اور جماعتِ اسلامی کے حامیوں کے درمیان کشیدگی پیدا ہوئی۔
