جھارکھنڈ اسمبلی سے یہ بل مانسون اجلاس کے دوران منظور کیا گیا تھا، جس کا مقصد ڈیلیوری بوائز، ایپ بیسڈ ٹیکسی اور بائیک ٹیکسی ڈرائیورز سمیت دیگر پلیٹ فارم بیسڈ کارکنان کو منظم کرنا اور انہیں بنیادی حقوق فراہم کرنا ہے۔
اس قانون کے تحت ’جھارکھنڈ پلیٹ فارم بیسڈ گِگ ورکرس ویلفیئر بورڈ‘ تشکیل دیا جائے گا، جس کا صدر دفتر رانچی میں ہوگا۔ اس بورڈ کے صدر محنت و روزگار کے وزیر ہوں گے، جبکہ متعلقہ محکمے کے سکریٹری سمیت پانچ دیگر ارکان بورڈ میں شامل ہوں گے۔ بورڈ کے ارکان کی مدتِ کار تین برس مقرر کی گئی ہے۔
