[]
حیدرآباد: آندھرا پردیش ہائی کورٹ کے 4 ایڈیشنل ججس نے حلف لیا۔ ہری ناتھ نونی پلی، کرن مائی منڈاوا، سومتی جگدم اور این وجے نے آج حلف لیا۔
گورنر جسٹس عبدالنذیر نے وجئے واڑہ کے تممالاپلی کلاکشیترمیں انہیں حلف دلایا۔ اے پی ہائی کورٹ کے چیف جسٹس دھیرج سنگھ ٹھاکر، وزیراعلی جگن موہن ریڈی، نئے ججوں کے افراد خاندان اور دیگر نے اس پروگرام میں شرکت کی۔
صدر جمہوریہ دروپدی مرمو نے حال ہی میں سپریم کورٹ کے کالجیم کی طرف سے ان چاروں کو وکلا کے کوٹہ سے ججوں کے طور پر مقرر کرنے کی سفارشات کو اپنی منظوری دی تھی۔ مرکزی وزارت قانون نے اس ماہ کی 18 تاریخ کو ان کی تقرری کا حکم دیا تھا۔
اے پی ہائی کورٹ میں ججوں کے جملہ37 عہدوں میں سے 27 ججس اس وقت کام کر رہے ہیں۔ ان میں سے دو کا تبادلہ دوسری ریاستوں میں کر دیا گیا ہے، وہیں جسٹس نریندر کرناٹک سے تبادلے پر اے پی ہائی کورٹ آ رہے ہیں۔ چار نئے ججوں کے ساتھ اے پی ہائی کورٹ میں ججوں کی تعداد 30 تک پہنچ گئی ہے۔
