[]
حیدرآباد: بچہ کی اسپتال میں پیدائش ہوئی تاہم اس نوزائیدہ کو دیکھے بغیر ہی باپ کی موت ہوگئی اور اس کی لاش اسی اسپتال میں لائی گئی جہاں نوزائیدہ پیداہوا تھا۔یہ افسوسناک واقعہ آندھراپردیش کے پالناڈوضلع میں پیش آیا۔
تفصیلات کے مطابق ضلع کے کرم پوڑی سے تعلق رکھنے والی رامانجنی نامی حاملہ خاتون کو پیٹ میں درد کی شکایت پر جمعہ کی شب تقریبا10 بجے مقامی پرائمری ہیلتھ سنٹر لے جایا گیا۔
ڈاکٹروں نے نامناسب طبی سہولیات کے پیش نظر اسے گروجالا کے سرکاری اسپتال منتقل کرنے کا مشورہ دیا۔خاتون کو تقریبا 11بجے شب گروجالا کے سرکاری اسپتال لے جایاگیا۔
70کلومیٹر دوراس اسپتال میں بھی مناسب طبی سہولیات نہ ہونے پر ڈاکٹرس نے خاتون کو نرسا راوپیٹ سرکاری اسپتال جانے کا مشورہ دیا۔خاتون نے نرسا راؤ پیٹ اسپتال میں لڑکی کو جنم دیا۔
خاتون کا شوہر40سالہ آنند جو اس کے ساتھ کرم پوڑی سے گروجالا گیا تھا،رقم لانے کیلئے گھر روانہ ہوا۔ گھر جا کر پیسے لانے کے لیے نکلا۔
وہ بائیک پر گھر سے واپس ہورہا تھا کہ جا رہا تھا کہ راستہ میں جولی کلو علاقہ میں اس نے گاڑی کا توازن کھودیا جس کے نتیجہ میں وہ سڑک پر ایک بڑے گڑھے میں گر کر شدید زخمی ہو گیا۔
مقامی افرادنے آنندو کو شدید زخمی حالت میں نرسا راوپیٹ کے اسی اسپتال منتقل کیا جہاں اس کی بیوی نے بیٹی کو جنم دیا تھا تاہم اسپتال پہنچنے پر آنند کی نوزائیدہ کو دیکھنے سے پہلے ہی موت ہوگئی۔
