حیدرآباد: تلنگانہ کے وزیر ریونیو پی سرینواس ریڈی نے کہا ہے کہ ریاست میں جاریہ گرمی کے موسم میں کہیں بھی پینے کے پانی کی قلت پیدا نہ ہو، اس کے لئے حکومت نے پہلے ہی احتیاطی اقدامات کئے ہیں۔
آج اسمبلی میں وقفہ صفرکے دوران کئی اراکین کی جانب سے اٹھائے گئے سوالات پر ردعمل ظاہر کرتے ہوئے وزیرموصوف نے یاد دلایا کہ وزیر اعلیٰ ریونت ریڈی نے پہلے ہی اس معاملہ پر کلکٹرس کو ہدایات جاری کی ہے اور فنڈ س بھی فراہم کیے جا چکے ہیں تاہم، اگر کہیں بھی پینے کے پانی کی قلت ہو تو، اراکین اسمبلی کی توجہ دلانے پر فوری طور پر مناسب اقدامات کیے جائیں گے۔
منوگوڑوکے ایم ایل اے کومٹ ریڈی راج گوپال ریڈی، نرسم پیٹ کے ایم ایل اے ڈی مادھو ریڈی، مر یال گوڈا کے ایم ایل اے بی لکشما ریڈی، چپہ ڈنڈی کے ایم ایل اے ایم ستیہ، پالاکرتی کے ایم ایل اے یشسونی ریڈی، کورٹلہ کے ایم ایل اے کے سنجے، ماناکونڈور کے ایم ایل اے کے ستیہ نارائن، حضور آباد کے ایم ایل اے پدی کوشک ریڈی، ستوپلی کے ایم ایل اے راگامائی اور مدہول کے ایم ایل اے راماراؤ پوار کے بشمول کئی اراکین نے اپنے حلقوں میں پینے اور زرعی پانی کی قلت کے مسئلے کو وقفہ صفرمیں اٹھایا۔
ہمیں فالو کریں
