’گوا میں سیاحت اڈلی-سانبھر کی وجہ سے گھٹ رہی‘، بی جے پی رکن اسمبلی کا حیرت انگیز دعویٰ

پریس کانفرنس کے دوران مائیکل لوبو نے کہا کہ گوا میں سیاحت میں گراوٹ کو لے کر ہنگامہ برپا ہے۔ اس تعلق سے سبھی فریقین کو ذمہ داری اٹھانی ہوگی۔ وہ کہتے ہیں کہ ’’گوا میں نارتھ سے لے کر ساؤتھ تک سیاحت میں سنگین گراوٹ آئی ہے اور اس کی کئی وجوہات ہیں۔ جو بیرون ملکی سیاح برسوں سے گوا آ رہے ہیں، ان کی آمد تو جاری ہے، لیکن نئے سیاح، خصوصاً نوجوان طبقہ گوا کی جگہ دوسرے مقامات کا انتخاب کر رہا ہے۔‘‘