میڈرڈ: اسپین کے صوبے مرسیا میں رائن میٹل گولہ بارود کے پلانٹ میں دھماکے میں چھ افراد زخمی ہو گئے۔
ہسپانوی میڈیا نے ایمرجنسی سروسز کے حوالے سے یہ خبر دی ہے۔
کیڈینا سیر ریڈیو نے جمعرات کو بتایا کہ مرسیا صوبے کے قریب رائن میٹل گولہ بارود کے پلانٹ میں ایک ٹینک پھٹ گیا اور اس میں آگ لگ گئی۔
آگ نے پلانٹ کے قریب جنگلاتی علاقے کو اپنی زدمیں لے لیا۔
رپورٹ میں کہا گیا کہ ہنگامی طبی خدمات نے تمام متاثرین کو امداد فراہم کی، اور پانچ کو ہسپتال میں داخل کرایا گیا۔
اطلاعات کے مطابق زخمیوں میں سے ایک کی حالت تشویشناک ہے۔
واضح رہے کہ جاولی ویجو گاؤں میں انٹرپرائز 18 ویں صدی میں بارود کی فیکٹری کے طور پر قائم کیا گیا تھا۔
2010 سے، یہ فیکٹری جرمن کمپنی رائن میٹل کی ذیلی کمپنی رائن میٹل ایکسپل میونیشنس کے پاس ہے۔
یہ ہر قسم کے گولے، کارتوس اور بم تیار کرتی ہے۔
رائن میٹل ایکسپل میونیشنس اپنی مصنوعات ترکی اور اسرائیلی فوجوں کو برآمد کرتی ہے اس کے علاوہ یہ ہسپانوی مسلح افواج کو بھی سپلائی کرتی ہے۔
ہمیں فالو کریں
