[]
حیدرآباد: ایس ایس سی پبلک امتحانات 2024 کے نتائج 30 اپریل کو جاری کئے جائیں گے۔ انٹرمیڈیٹ پبلک امتحانات کے چہارشنبہ کے روز یہاں نتائج کی اجرائی کے موقع پر میڈیا سے بات کرتے ہوئے پرنسپل سکریٹری محکمہ تعلیم بی وینکٹیشم نے کہا کہ محکمہ تعلیم نے 30 اپریل کو ایس ایس سی پبلک امتحانات کے نتائج جاری کرنے کا فیصلہ کیا ہے۔
انہوں نے بتایا کہ ڈائریکٹوریٹ آف گورنمنٹ امتحانات کی طرف سے جوابی بیاضات کی جانچ پہلے ہی مکمل کر لی گئی ہے اور نتائج کی پروسیسنگ کی جا رہی ہے۔
واضح رہے کہ 18 مارچ سے 2 اپریل تک 2,676 مراکز میں منعقد ہونے والے ایس ایس سی کے امتحانات میں جملہ 5,08,385 طلباء نے شرکت کی تھی۔
ہمیں فالو کریں
