دہلی میں میٹرو کے دو نئے کوریڈور بنانے کا راستہ ہموار، منصوبہ کو کابینہ سے ملی منظوری

موصولہ اطلاع کے مطابق اندرلوک سے اندرپرستھ تک 12.377 کلومیٹر دوری ہے اور لاجپت نگر سے ساکیت جی بلاک تک کے میٹرو کوریڈور کی دوری 8.385 کلومیٹر ہے۔ اندرلوک-اندرپرستھ کوریڈور گرین لائن کی توسیع ہوگی اور ریڈ، یلو، ایئرپورٹ لائن، میجنٹا، وائلٹ و بلو لائنوں کے ساتھ انٹرچینج کی سہولت ہوگی۔ دوسری طرف لاجپت نگر-ساکیت جی بلاک کوریڈور سلور، میجنٹا، پنک اور بینگنی لائن کو جوڑے گی۔ اندرلوک-اندرپرستھ کوریڈور میں جہاں 10 اسٹیشن ہوں گے، وہیں لاجپت نگر-ساکیت جی بلاک کوریڈور میں 8 اسٹیشن ہونے کی جانکاری دی گئی ہے۔ دہلی میٹرو کے مرحلہ 4 پروجیکٹ کے ان دونوں کوریڈور کی مجموعی لاگت 8399 کروڑ روپے ہے جو حکومت ہند، دہلی حکومت اور بین الاقوامی فنڈنگ ایجنسیوں سے لی جائے گی۔