[]
حیدرآباد: تلنگانہ وقف بورڈ کے چیرمین کی حیثیت سے کانگریس لیڈر سید عظمت اللہ حسینی کا انتخاب عمل میں آیا ہے۔ واضح رہے کہ گزشتہ ہفتہ وقف بورڈ کی تشکیل جدید کے سلسلہ میں محکمہ اقلیتی بہبود کی جانب سے جی اوایم ایس نمبر 4 جاری کرتے ہوئے سینئر کانگریس لیڈر سید عظمت اللہ حسینی کو رکن تلنگانہ وقف بورڈ مقرر کیا تھا۔
آج بورڈ کا اجلاس منعقد کیا گیا جس میں متفقہ طورپر تمام ممبرس نے سید عظمت اللہ حسینی کو تلنگانہ وقف بورڈ کا چیرمین منتحب کرلیا۔ عظمت اللہ حسینی کانگریس کے سینئر لیڈر بھی ہیں۔ وہ کانگریس طلبہ تنظیم این ایس یو آئی سے اپنے سیاسی سفر کا آغاز کیا تھا۔
سید عظمت اللہ ریاست آندھراپردیش میں این ایس یو آئی کے ریاستی صدر بھی رہ چکے ہیں اور وہ یوتھ کانگریس میں بھی کئی اہم عہدوں پر فائز تھے۔ اُنہیں تلنگانہ پردیش کانگریس کمیٹی میں بھی کئی عہدوں پر فائز تھے۔
ہمیں فالو کریں
