[]
حیدرآباد _ 19 جنوری ( اردولیکس ) حیدرآباد کی سی آئی ڈی پولیس نے جمعہ کو جگتیال ضلع کے کورٹلہ ٹاون میں کئی پاسپورٹ ایجنٹس کے گھروں پر دھاوے کرتے کئے ۔میڈیا رپورٹس کے مطابق سی آئی ڈی حکام صبح 4 بجے کورٹلہ پہنچے اور چار ٹیمیں تشکیل دیں اور مقامی پولیس کی مدد سے دوپہر 2 بجے تک تینوں پاسپورٹ ایجنٹوں کے گھروں کی تلاشی لی۔
حیدرآباد میں سی آئی ڈی آفس میں کورٹلہ سے تعلق رکھنے والے تین پاسپورٹ ایجنٹوں کے خلاف درج کیس سے متعلق تحقیقات کے ایک حصے کے طور پر، عہدیداروں نے ان کے گھروں کی تلاشی لی ۔ اس موقع پر معلوم ہوا کہ اہلکاروں کی تلاشی کے دوران کئی جعلی پاسپورٹ اور پاسپورٹ مارفنگ سے متعلق آلات ضبط کئے گئے۔ معلوم ہوا ہے کہ تین پاسپورٹ ایجنٹوں کو حراست میں لے کر تفتیش شروع کر دی گئی ہے۔ تلاشی میں سی آئی ڈی کے ڈی ایس پی نندیرام، سمپت، وینکٹیشورلو، رویندر، سی آئی، ایس آئی اور عملے نے حصہ لیا۔
