[]
حیدرآباد: آندھراپردیش کے سابق وزیر و ریاست کی اصل اپوزیشن جماعت تلگودیشم کے جنرل سکریٹری نارالوکیش نے دعوی کیا ہے کہ ریاست میں اندرون چند ماہ ہونے والے انتخابات میں ان کی پارٹی شاندار کامیابی حاصل کرے گی۔
عوام کے مسائل سے واقفیت اور جگن موہن ریڈی زیرقیادت وائی ایس آرکانگریس حکومت کی ناکامیوں کو اجاگر کرنے کے لئے نکالی گئی اپنی یاترا کے اختتام کے موقع پر لوکیش جو سابق وزیراعلی این چندرابابو نائیڈوکے فرزند بھی ہیں نے ایک چینل کو دیئے گئے انٹرویو میں کہا کہ ان کی اس یاترا کے دوران انہوں نے ریڈبگ رکھی تھی جس میں ان آئی پی ایس عہدیداروں کے نام ہیں جنہوں نے قانون کی خلاف ورزی کی ہے۔
انہوں نے کہا کہ اس یاترا کے دوران عوام نے جگن حکومت پر عدم اطمینان کا اظہار کیا۔انہوں نے واضح کیا کہ عوامی رابطہ کے اس پروگرام کے دوران عوام سے جڑنے اورعوام کو درپیش چیالنجس کو سمجھنے میں انہیں مدد ملی۔
ان عوامی مسائل کو پارٹی کے منشور میں شامل کیاجائے گا۔لوکیش نے کہاکہ انہوں نے اس یاترا کے دوران عوام کے تمام طبقات سے ملاقات کرتے ہوئے ان کے دکھ، درد اورمسائل کوقریب سے جاننے کی کوشش کی جس سے اس بات کو یقینی بنانے میں مدد ملے گی کہ جگن کو ریاست میں ہونے والے انتخابات میں شکست ہو۔ یہ پدیاترا 226دن 3123کلومیٹرجاری رہی۔
ہمیں فالو کریں
