[]
جے پور: راجستھان کے گورنر کلراج مشر نے بھارتیہ جنتا پارٹی (بی جے پی) قانون ساز پارٹی کے لیڈر بھجن لال شرما کو وزیر اعلی کے عہدے کے حلف کے لیے مدعو کیا ہے۔
مسٹر بھجن لال کے لیجسلیٹو پارٹی کے لیڈر کے طور پر منتخب ہونے کے بعد بی جے پی کے ایک اعلیٰ سطحی وفد نے جس کی قیادت مسٹر راج ناتھ سنگھ نے کی، منگل کی شام راج بھون میں گورنر سے ملاقات کی۔
بی جے پی کے ریاستی صدر سی پی جوشی نے مسٹر مشرا کو ایک خط پیش کیا جس میں مسٹر بھجن لال شرما کا نام راجستھان کے وزیر اعلیٰ کے طورپر پیش کیا گیا ہے۔ قانون ساز پارٹی کے سربراہ کے طور پر ان کے انتخاب کے حوالے سے ایک خط ان کے حوالے کیا گیا۔
اس دوران بی جے پی کے مبصر راج ناتھ سنگھ نے پارٹی کے 115 اراکین اسمبلی کی فہرست بھی گورنر کو پیش کی۔
خیال ر ہے کہ تقریباً چار بجے بی جے پی لیجسلیچر پارٹی کے ریاستی دفتر میں منعقدہ میٹنگ میں مسٹر بھجن لال کو متفقہ طور پر لیجسلیچر پارٹی کا لیڈر منتخب کیا گیا۔ اس کے بعد بی جے پی کے یہ لیڈر راج بھون پہنچے اور گورنر سے ملاقات کی۔
اس دوران سابق نائب وزیر اعلیٰ وسندھرا راجے، محترمہ دیا کماری، مسٹر پریم چند بیروا، جو دونوں نائب وزیر اعلیٰ ہوں گے، بھی موجود تھے۔
