November (Safir News)
Lebanon ke sheher Ras Al-Nabaa mein Israeli fazai hamlay mein Ba’ath Party ke headquarter ko nishana banaya gaya, jisme Hezbollah ke media taluqaat ke officer Mohammad Afif shaheed ho gaye.
Al-Mayadeen ke mutabiq, yeh hamla Beirut ke Ras Al-Nabaa ilaqe mein hua. Lebanon ki Ministry of Health ne tasdeeq ki hai ke hamle ke nateejay mein ek shakhs shaheed aur teen zakhmi hue.
Zaraye ke mutabiq, Israeli hamlay ka nishana Ba’ath Party ka office tha. Magar Ba’ath Party ki central command ne wazeh kiya ke unke Secretary-General Ali Hijazi is waqt building mein mojood nahi thay.
Hezbollah ke mutabiq, Mohammad Afif jo us waqt building mein thay, shahadat ka rutba hasil kar gaye. Yeh waqiya ilaqay mein tension barhane ka sabab ban sakta hai.
