[]
حیدرآباد: اراضی کے تنازعہ پر باپ نے بیٹے کا قتل کردیا۔یہ واردات تلنگانہ کے ضلع نظام آباد میں پیش آئی۔
ضلع کے موکن پلی کے سریکانت کا اکثر اپنے والد کشن کے ساتھ اراضی کے مسئلہ پر جھگڑا ہوا کرتاتھا۔
سریکانت نے اراضی فروخت کرتے ہوئے اس کا حصہ دینے کامطالبہ کیا اور اسی مسئلہ پر باپ اور بیٹے میں جھگڑا ہوا۔
برہمی کے عالم میں کشن نے بیٹے کے سرپر حملہ کردیا جس کے نتیجہ میں وہ موقع پر ہی ہلاک ہوگیا۔
سریکانت، کشن کا چھوٹا بیٹا تھا۔ پولیس نے مقدمہ درج کرکے جانچ شروع کردی۔
