[]
عادل آباد: عادل آباد کے ٹمریز ادارہ چاندا بوائزll اسکول کے تین طلباکیخلاف پوکسو ایکٹ کے تحت عادل آباد رورل پولیس اسٹیشن میں مقدمہ درج کرلیا گیا ہے۔
تفصیلات کے مطابق تلنگانہ اقلیتی اقامتی اسکول بوائزII (چاندا) کے جماعت ہفتم میں زیر تعلیم تین طلباکیخلاف لواطت (غیر فطری عمل) کے معاملہ میں پوکسو ایکٹ کے تحت کیس درج کیا گیا ہے۔
بتایا جارہا ہے کہ جماعت پنجم کے ایک طالب علم کو ہفتم جماعت کے تین طلبہ جنسی زیادتی کیلئے زور و زبردستی کر رہے تھے طالب علم رضامند نہ ہونے پر متاثرہ طالب علم کو خوب پیٹا گیا جس کے باعث طالب علم کی طبیعت ناساز ہوگئی۔
متاثرہ طالب علم کے والدہ کی شکایت پر یہ مقدمہ درج کیا گیا ہے۔ اس معاملہ پولیس کی مزید تحقیقات جاری ہے۔
واضح ہو کہ جنسی زیادتی کا یہ معاملہ 9/ اکتوبر کی شام منظر عام پر آیا اور 11 اکتوبر کی مقدمہ درج کر لیا گیا ہے۔
