[]
حیدرآباد: آندھراپردیش اسکل ڈیولپمنٹ اسکام معاملہ میں سابق وزیراعلی وتلگودیشم کے قومی صدراین چندرابابونائیڈو سپریم کورٹ سے رجوع ہوئے ہیں۔
اس معاملہ کو کالعدم قراردینے کیلئے داخل کردہ درخواست پر ریاستی ہائی کورٹ کے احکام پر سوال اٹھاتے ہوئے سپریم کورٹ میں چندرابابونائیڈو کی طرف سے وکلا نے درخواست داخل کی۔
اے سی بی کورٹ کی جانب سے دیئے گئے ریمارنڈ کو کالعدم کرنے کی چندرابابونے درخواست کی ہے۔
پیر کو اس درخواست کی سماعت چیف جسٹس کی زیرقیادت بنچ کی جانب سے سماعت کاامکان ہے۔
واضح رہے کہ ریاستی ہائی کورٹ نے اس معاملہ کی جانچ کے آخری مرحلہ میں ہونے پر کسی بھی قسم کی مداخلت سے انکار کرتے ہوئے چندرابابو کی درخواست کومسترد کردیاتھا۔
