نئی دہلی: صدر جمہوریہ دروپدی مرمو کے یومِ پیدائش کے موقع پر وزیراعظم نریندر مودی اور کانگریس صدر ملکارجن کھڑگے سمیت ملک کی سرکردہ شخصیات نے انہیں نیک تمناؤں سے نوازا ہے۔ وزیراعظم نے انہیں ملک کے کروڑوں عوام کے لیے حوصلے اور امید کی کرن قرار دیا۔
سوشل میڈیا پلیٹ فارم ایکس (سابقہ ٹوئٹر) پر اپنے پیغام میں وزیراعظم مودی نے کہا، ’’صدر جمہوریہ دروپدی مرمو کو سالگرہ کی دلی مبارکباد۔ ان کی زندگی اور قیادت ملک کے کروڑوں افراد کے لیے ہمیشہ باعثِ تحریک رہے گی۔‘‘
