سکیورٹی میں ممکنہ چوک کے سوال پر کماری سیلجا نے سیاسی تبصرے سے گریز کیا۔ انہوں نے کہا کہ یہ دکھ کی گھڑی ہے، اس وقت ایسے سوالات اٹھانا مناسب نہیں، البتہ انہوں نے تسلیم کیا کہ واقعے کے حوالے سے کئی سوالات موجود ہیں، جن پر وقت آنے پر غور کیا جائے گا۔
انہوں نے میڈیا میں سامنے آنے والی رپورٹس کا حوالہ دیتے ہوئے کہا کہ جائے وقوعہ پر کوئی سکیورٹی اہلکار موجود نہیں تھا، جو ایک افسوسناک حقیقت ہے۔ کماری سیلجا نے زور دے کر کہا کہ اس معاملے کی مکمل اور شفاف تحقیقات ہونی چاہیے تاکہ یہ معلوم کیا جا سکے کہ اتنی بڑی کوتاہی کیسے ہوئی۔
