دہلی پردیش کانگریس کمیٹی کے صدر نے اپنے تعزیتی بیان میں کہا کہ ’’جے کشن جی ایک بے باک اور اصول پسند رہنما تھے۔ وہ ہمیشہ کمزور طبقات کے لیے آواز بلند کرتے رہے۔ ان کی کمی دہلی کانگریس کو مدتوں محسوس ہوگی۔‘‘
جے کشن کی پہچان صرف ایک سیاستدان کے طور پر نہیں تھی بلکہ وہ ایک سماجی کارکن بھی تھے، جنہوں نے کئی عوامی تحریکوں میں فعال کردار ادا کیا۔ وہ طلبہ اور نوجوانوں کو سیاست میں آنے کی ترغیب دیا کرتے تھے۔ ان کی قیادت میں کئی بار مقامی مسائل پر مظاہرے اور دھرنے بھی منظم کیے گئے۔
