حیدرآباد میں بارش۔ ضروری کام ہو تو ہی لوگ گھروں سے باہر نکلیں

حیدرآباد: شہر حیدرآباد میں کئی مقامات پر گرج چمک کے ساتھ طوفانی  بارش ہوئی ہے۔ ملک پیٹ، موسی رام باغ، دلسکھ نگر، کوتھاپیٹ، سرور نگر، ایل بی نگر، ناگول، اپل، سکندرآباد اور دیگر مقامات پر گرج چمک کے ساتھ بارش ہوئی ہے۔

موسلادھار بارش کی وجہ سے چادر گھاٹ سے ایل بی نگر کی طرف ٹریفک میں شدید خلل پڑا۔ مختلف مقامات پر سڑکوں پر پانی کھڑا ہونے سے گاڑی چلانے والوں کو شدید پریشانی کا سامنا کرنا پڑا۔

جس کے پیش نظر جی ایچ ایم سی کی میئر گدوال وجے لکشمی نے لوگوں کو مشورہ دیا  کہ وہ صرف ضرورت پڑنے پر ہی گھروں سے باہر نکلیں۔ کسی بھی دشواری کی صورت میں.. GHMC DRF نمبر 040-21111111 کے لیے 90000113667 پر رابطہ کرنے کی درخواست کی جاتی ہے۔

مانسون ایمرجنسی ٹیموں اور ای وی ڈی ایم ٹیموں کو میدان میں رہنے کا حکم دیا گیا ہے۔