رپورٹ میں دعویٰ کیا گیا ہےہ کہ ’ستیہ ورت‘ پولیس چوکی ضلع کی پہلی ہائی ٹیک پولیس چوکی ہوگی۔ اس پولیس چوکی میں 24 گھنٹے تقریباً 100 پولیس اہلکار تعینات رہیں گے۔ ساتھ ہی اضافی فورس کا بھی انتظام رہے گا۔ ضلع کا کنٹرول روم بھی اسی چوکی میں بنے گا۔
کچھ لوگوں نے جہاں نئی پولیس چوکی کے قیام کا خیرمقدم کیا ہے وہیں، مقامی مسلم برادری کے کچھ افراد نے اس تعمیر پر اعتراضات اٹھائے ہیں، خاص طور پر زمین کی ملکیت کے حوالے سے۔ کچھ مقامی لوگوں نے دعویٰ کیا ہے کہ جس زمین پر پولیس چوکی بنائی جا رہی ہے وہ ان کی ملکیت ہے، اور انہوں نے اپنے زمین کے کاغذات بھی پیش کیے ہیں۔ انتظامیہ کا کہنا ہے کہ اس معاملے کی تحقیقات کی جائیں گی۔
