[]
حیدرآباد: تلگودیشم پارٹی کے سربراہ و سابق وزیراعلی آندھراپردیش این چندرابابونائیڈو نے اپنے جذباتی بیان میں کہا ہے کہ وہ آندھراپردیش کے مفادات کے تحفظ کیلئے اپنی جان کو بھی قربان کرنے کیلئے تیار ہیں۔
انہوں نے سوشیل میڈیا کے پلیٹ فارم ایکس پر کہا ”گذشتہ 45برس سے میں نے تلگو عوام کی بے لوث خدمت کی ہے۔
میں تلگو عوام کے مفادات کے تحفظ کے لئے اپنی جان بھی قربان کرنے کے لئے تیار ہوں۔
زمین کی کوئی بھی طاقت مجھے تلگو عوام، میرے آندھراپردیش اور میرے مادروطن کی خدمت سے نہیں روک سکتی۔
واضح رہے کہ چندرابابوکو اے پی اسکل ڈیولپمنٹ اسکام میں نندیال ٹاون سے ہفتہ کی صبح گرفتارکرلیاگیا۔
