ایس پی نرسمہا کِشور کے مطابق، پروین کا موبائل فون ان کی لاش کے پاس ملا، جس میں آخری کال رام موہن آر جے وائی نامی شخص کو کی گئی تھی۔ پولیس نے رام موہن کو اطلاع دی، جو موقع پر پہنچے اور لاش کی شناخت کی۔ اس کے بعد پولیس نے حیدرآباد میں پادری کے اہلِ خانہ کو مطلع کیا۔
پولیس نے موقع پر ڈاگ اسکواڈ کی مدد سے شواہد اکٹھے کیے۔ پوسٹ مارٹم کے دوران پوری کارروائی کی ویڈیو ریکارڈنگ بھی کی گئی۔ پولیس نے قریبی سی سی ٹی وی فوٹیج حاصل کی، جس میں پروین کی موٹرسائیکل کے ساتھ ایک سرخ کار بھی چلتی دکھائی دی۔ پولیس کو شبہ ہے کہ حادثہ رات 11:43 بجے پیش آیا۔
