حیدرآباد کے محکمہ موسمیات نے خبردار کیا ہے کہ تلنگانہ میں درجہ حرارت جمعہ سے مزید بڑھنے کا امکان ہے۔
کئی اضلاع میں زیادہ سے زیادہ درجہ حرارت 41 سے 42 ڈگری سیلسیس تک پہنچ سکتا ہے۔
خاص طور پر بھدرا دری کوتہ گوڑم، آصف آباد، نرمَل، مولگو، جگتیال، منچریال، بھوپال پلی، پداپلی، کریم نگر، کھمم، سوریاپیٹ، محبوب آباد، ہنمکنڈہ، ورنگل، نلگنڈہ، جنگاؤں اور یادادری بھونگیر میں درجہ حرارت 40 سے 42 ڈگری سیلسیس کے درمیان رہنے کا امکان ہے۔
جس کے پیش نظر محکمہ موسمیات نے ان اضلاع میں اورنج الرٹ جاری کیا ہے۔ چہارشنبہ کو بھدرادری کوتہ گوڑم ضلع کے سیتا رام پور میں سب سے زیادہ 40.6 ڈگری درجہ حرارت ریکارڈ کیا گیا۔
