مدینہ منورہ: مسجد نبویؐ کے گیٹ نمبر 100 میں فرسٹ ہاؤس نمائش کا انعقاد کیا گیا۔ سعودی خبر رساں ادارے کی رپورٹ کے مطابق اس نمائش میں مسلمانوں کو مسجد نبویؐ اور خانہ کعبہ کی تاریخ سے متعلق آگاہی فراہم کی گئی۔
نمائش کے دوران مسجد نبویؐ کے اندر تعمیر سے متعلق بھی معلومات فراہم کی گئیں۔ اس کے علاوہ خانہ کعبہ کی تعمیر اور اس کی خصوصیات کو بھی متعارف کرایا گیا ہے۔
واضح رہے کہ مسجد نبوی ؐ میں ماہ رمضان المبارک کے دوران روزانہ 300 ٹن آب زم زم مہیا کیا جاتا ہے جو مسجد کے مختلف مقامات پر موجود 18 ہزار کولرز میں بھرا جاتا ہے۔
رپورٹ کے مطابق ادارہ امور حرمین کا کہنا ہے مسجد نبویؐ میں رمضان کے دوران دنیا بھر سے بڑی تعداد میں زائرین عبادت کے لئے پہنچتے ہیں۔
آب زم زم کی مستقل بنیادوں پر فراہمی کو یقینی بنانے کے لیے مسجد کی انتظامیہ کی جانب سے باقاعدہ ادارہ موجود ہے جہاں سیکڑوں کارکن آنے والے زائرین کو آب زم زم فراہم کرتے ہیں۔
ادارے کی جانب سے کولرز کے علاوہ مسجد نبوی کے اندرونی مقامات اور روضہ شریفہ کی جانب زائرین کو آب زم زم کی چھوٹی بوتلیں بھی تقسیم کی جاتی ہیں۔اس کے علاوہ ان کارکنوں کے ذریعہ آب زم زم کے 60 متحرک یونٹس کی سہولت بھی موجود ہے جو معمر اور بیمار زائرین کو ان کی جگہ پر زم زم فراہم کرتے ہیں۔
ہمیں فالو کریں
