ذیابیطس کے مریضوں کے لیے خون میں گلوکوز کی سطح کی جانچ ایک عام لیکن تکلیف دہ عمل ہے، کیونکہ اس کے لیے بار بار سوئی چبھو کر خون کا نمونہ لینا پڑتا ہے۔ تاہم، بنگلورو کے انڈین انسٹی ٹیوٹ آف سائنس (IISc) کے سائنسدانوں نے اس کا ایک متبادل طریقہ دریافت کیا ہے جو بغیر کسی چوٹ یا تکلیف کے کام کرے گا۔
نئی تحقیق کے مطابق، سائنسدانوں نے “فوٹو اکو سٹک سینسنگ” نامی ٹیکنالوجی تیار کی ہے، جس میں لیزر شعاعوں کی مدد سے خون میں گلوکوز کی سطح معلوم کی جاتی ہے۔ یہ طریقہ جسم کے ٹشوز (بافتوں) پر روشنی ڈال کر ان میں ہونے والی معمولی حرکت کا پتہ لگاتا ہے۔
اس دوران پیدا ہونے والی ہلکی سی ارتعاش (وائبریشن) کو خاص ڈٹیکٹرز کے ذریعے محسوس کیا جاتا ہے۔ پھر ان آواز کی لہروں کی شدت کو مدنظر رکھتے ہوئے خون میں گلوکوز کی مقدار کا تعین کیا جاتا ہے۔
ماہرین کا کہنا ہے کہ یہ طریقہ نہ صرف محفوظ اور درد سے پاک ہے بلکہ زیادہ درست نتائج بھی فراہم کرتا ہے۔ اگر یہ تکنیک مزید کامیاب ثابت ہوئی، تو مستقبل میں ذیابیطس کے مریضوں کو روزانہ سوئی کے استعمال کی ضرورت نہیں رہے گی اور ایک آسان اور جدید طریقے سے وہ اپنی صحت کی نگرانی کر سکیں گے۔
