دہلی : الیکٹرانکس اور انفارمیشن ٹکنالوجی کے وزیر اشونی ویشنو نے آج لوک سبھا میں کہا کہ حکومت آن لائن گیمنگ اور جوئے کی ویب سائٹس پر پابندی کے مسئلہ پر سنجیدہ ہے اور 1,097 گیمنگ ، جوئے کی ویب سائٹس کو بند کر دیا گیا ہے۔
وقفہ سوالات کے دوران ایک سوال کا جواب دیتے ہوئے مسٹر ویشنو نے کہا کہ ریاستی حکومتوں کے ساتھ مل کر آن لائن جوئے اور سائبر کرائم کو روکنے کے لیے مسلسل کوششیں کی جا رہی ہیں۔ انہوں نے کہا کہ آئینی دفعات کے مطابق ہم ریاستی حکومتوں کے ساتھ مل کر اس مسئلہ سے چھٹکارا حاصل کرنے کے لیے تیزی سے کام کریں گے۔ مرکزی حکومت ریاستی حکومتوں کے ساتھ مل کر اس پر کام کر رہی ہے۔ انہوں نے کہا کہ ریگولیٹری ادارہ اس معاملے میں بہتر کام کر سکتا ہے۔
مسٹر ویشنو نے کہا کہ لوگوں بالخصوص بچوں کو آن لائن گیمنگ کے چنگل سے بچانے کی کوشش میں 1097 آن لائن گیمنگ اور جوئے کی ویب سائٹس کو بند کر دیا گیا ہے۔ انہوں نے کہا کہ لوگ آن لائن گیمنگ اور سائبر کرائم کے مضر اثرات سے آگاہ ہو رہے ہیں۔ حکومت کی کوششوں سے معاشرے میں سائبر کرائم کے بارے میں بیداری بڑھ رہی ہے۔
ہمیں فالو کریں
