مہر خبررساں ایجنسی کے مطابق، عراق کے ایک سرکاری ذریعے نے آگاہ کیا ہے کہ ترکی کے وزیر خارجہ ہاکان فیدان آنے والے دنوں میں بغداد کا دورہ کرنے والے ہیں۔
اس رپورٹ کے مطابق، ہاکان فیدان بغداد سے جولانی رژیم کے لئے حمایت حاصل کرنے کی کوشش کریں گے۔
مذکورہ ذریعے نے مزید کہا کہ ترکی عراق اور شام کے درمیان ہونے والے معاہدوں اور جولانی رژیم کی تشکیل میں بغداد کا کردار جاننا چاہتا ہے۔
گزشتہ روز جولانی رژیم کے عبوری وزیر خارجہ اسد الشیبانی نے عراق کے دورے کے دوران وزیر اعظم محمد شیاع السودانی اور وزیر خارجہ فواد حسین سے ملاقات کی۔
مبصرین کا خیال ہے کہ ترکی شام میں جولانی ٹولے کے اقتدار پر قبضے کو مستحکم کرنے کے امریکی صیہونی ایجنڈے کی تکمیل کے لئے سرگرم ہے۔
