ایمسٹرڈم: دنیا کے تمام جمہوری ممالک میں ووٹ کے ذریعہ حکمران منتخب کیے جاتے ہیں لیکن دنیا کا ایک خطہ ایسا بھی ہے جہاں کتا اور بکرا صدر بن چکے ہیں۔
غیر ملکی میڈیا کے مطابق یہ انوکھا خطہ نیوزی لینڈ کے دور دراز علاقے میں واقعہ“جمہوریہ واہنگہ”ہے۔ یہ وہ خطہ ہے جس کا اپنا پاسپورٹ اور سرحدیں ہیں۔
یہ علاقہ قدیم رسم ورواج رکھتا ہے جس کے باعث ماضی میں کتا اور بکرا بھی الیکشن جیت کر صدر بن چکے اور انسانوں پر حکمرانی کر چکے ہیں۔
دنیا بھر سے سیاح یہ جمہوریہ دیکھنے آتے اور 5 ڈالر کا پاپسورٹ خرید کر فطری ماحول سے لطف اندوز ہوتے ہیں۔
رپورٹ کے مطابق اس ملک کے 150 کسان گھرانے فطری ماحول میں زندگی گذارنا پسند کرتے، جدید دور کے لوازمات کم اپناتے ہیں۔ اسی وجہ سے وہاں انٹرنیٹ ہے اور نہ ہی موبائل نیٹ ورک۔
یہاں علامتی جمہوریہ کی بنیاد 1989 میں رکھی گئی جب بیورو کریسی نے علاقے کو دوسری تحصیل میں شامل کرنا چاہا، لوگ ایسا نہیں چاہتے تھے لہذا احتجاجاً علاقے کو جہوریہ قرار دے دیا۔
ہمیں فالو کریں
