ممبئی: ایمرجنسی رسپانس سروس فراہم کرنے والی کمپنی “زینزو” نے نئی طرح کی خدمات کا آغاز کیا ہے جو شہریوں کی ایمرجنسی کی حالت میں فوری طور پر مدد فراہم کرنے کے لیے ہے۔ زینزو نے 450 شہروں میں 25,000 خانگی ایمبولنسس کا نیٹ ورک شروع کیا ہے جو کہ شہریوں کے لیے انتہائی ہنگامی حالت میں فوری سہولت فراہم کریں گی۔
ان ایمبولینسس کو صرف ایک کال پر 15 منٹ کے اندر فراہم کیا جائے گا جس سے شہریوں کو ایمرجنسی کی حالت میں فوری مدد مل سکے گی۔کمپنی کا کہنا ہے کہ اس نئی سروس کا مقصد ایمرجنسی حالات میں فوری اور مؤثر ردعمل ہے تاکہ زیادہ سے زیادہ لوگوں کی جانوں کو بچایا جا سکے۔ اس مقصد کے لیے زینزو نے ای کامرس کمپنیوں کے ساتھ شراکت داری کی ہے تاکہ وہ ایمرجنسی رسپانس اور فرسٹ ایڈ کی تربیت فراہم کر سکیں۔
اس کے ساتھ ساتھ، سی پی آر کی تربیت بھی دی جائے گی تاکہ لوگ ایمرجنسی میں بہتر طریقے سے مدد فراہم کر سکیں۔ کمپنی کا مقصد ان ڈلیوری عملے کو اس بات کی آگاہی دینا ہے کہ وہ ایمرجنسی میں لوگوں کی جان بچانے کے لیے کس طرح کے ضروری اقدامات کر سکتے ہیں جیسے کہ ابتدائی طبی امداد فراہم کرنا اور سی پی آر کے ذریعے زندگی بچانا۔
زینزو کا یہ قدم ایک نئی نوعیت کی سرویس ہے جس سے شہریوں کو فوری اور مؤثر ایمرجنسی رسپانس کی سہولت ملے گی۔ اس سے نہ صرف ایمرجنسی کی حالت میں فوری امداد فراہم کرنے میں مدد ملے گی بلکہ لوگوں کو صحت اور سیفٹی کے حوالے سے بھی آگاہی فراہم کی جائے گی۔
