مہر خبررساں ایجنسی کی رپورٹ کے مطابق، صیہونی رژیم کی کابینہ غزہ کی پٹی کے باشندوں کو جبری بے دخل کرنے کا منصوبہ بنا رہی ہے۔
میڈیا رپورٹس کے مطابق صیہونی حکومت فلسطینیوں کو غزہ کی پٹی سے اشدود بندرگاہ اور رامون ہوائی اڈے کے ذریعے جبری منتقل کرنے کا منصوبہ رکھتی ہے۔
رپورٹس میں یہ بھی بتایا گیا ہے کہ غاصب رژیم رفح کراسنگ کو غزہ کی پٹی سے فلسطینیوں کی بے دخلی کے ایک اور راستے کے طور پر استعمال کرنے پر بھی غور کر رہی ہے۔
ادھر مصر نے فلسطینیوں کو بے دخل کئے بغیر غزہ کی تعمیر نو کا منصوبہ پیش کیا ہے۔
واضح رہے ٹرمپ نے غزہ کی پٹی کے ناقابل رہائش ہونے کا دعوی کرتے ہوئے فلسطینیوں کو یہاں سے ہمیشہ کے لئے بے دخل کرنے کی تجویز دی ہے، جسے عالمی سطح پر مسترد کرتے ہوئے شدید غم و غصے کا اظہار کیا گیا۔
