ممبئی: سوشل میڈیا پر اکثر ایسی ویڈیوز سامنے آتی ہیں جو دیکھنے والوں کو حیران کر دیتی ہیں، لیکن کچھ ایسی بھی ہوتی ہیں جو لوگوں کو بے ساختہ ہنسنے پر مجبور کر دیتی ہیں۔ حال ہی میں ایک ایسی ہی دلچسپ سی سی ٹی وی فوٹیج وائرل ہو رہی ہے، جسے دیکھ کر آپ اپنی ہنسی پر قابو نہیں رکھ پائیں گے۔
وائرل ویڈیو میں ایک لڑکی کو لفٹ کے قریب کھڑے ہو کر بار بار بٹن دباتے دیکھا جا سکتا ہے۔ جیسے ہی وہ پہلی لفٹ کا بٹن دباتی ہے، وہ انتظار کرنے کے بجائے فوراً دوسری لفٹ کے بٹن کی طرف دوڑتی ہے۔ چند سکنڈ بعد جب پہلی لفٹ کھلتی ہے، تو وہ وہاں پہنچنے سے پہلے ہی دروازے بند ہو جاتے ہیں۔
پھر وہ دوبارہ بٹن دباتی ہے، مگر صبر کرنے کے بجائے دوسری لفٹ میں جانے کی کوشش کرتی ہے، لیکن یہاں بھی وہ وقت پر نہیں پہنچ پاتی۔ اسی دوڑ دھوپ میں وہ کئی بار لفٹ مس کرتی ہے اور بالآخر ایک لفٹ میں سوار ہو جاتی ہے۔
یہ دلچسپ ویڈیو X (سابقہ ٹوئٹر) پر @TheDogeVampire نامی اکاؤنٹ سے شیئر کی گئی، جسے لاکھوں لوگ دیکھ چکے ہیں۔ صارفین کے تبصرے بھی اس ویڈیو کو مزید مزاحیہ بنا رہے ہیں۔
ایک صارف نے لکھا، “یہ میری زندگی کی طرح الجھی ہوئی لگ رہی ہے!”
دوسرے صارف نے حیرت سے پوچھا، “یہ کیا ہو رہا ہے؟”
تیسرے صارف نے طنزیہ انداز میں کہا، “کچھ لوگ اتنے بے صبرے کیوں ہوتے ہیں؟”
چوتھے صارف نے تبصرہ کیا، “مجھے لگتا ہے کہ اس بہن کو واقعی انتظار کرنا سیکھنے کی ضرورت ہے!”
بعض اوقات ہماری چھوٹی چھوٹی جلد بازی ہمیں مزید مشکلات میں ڈال دیتی ہے۔ اگلی بار اگر آپ لفٹ کا انتظار کر رہے ہوں، تو ذرا تحمل سے کام لیجیے، ورنہ آپ بھی ایسی ہی کسی وائرل ویڈیو کا حصہ بن سکتے ہیں۔
ہمیں فالو کریں
