جیسلمیر۔: راجستھان کے جیسلمیر میں ایک ساتھ پہلی بار 927 پاکستانی پناہ گزینوں کو ہندوستانی شہریت کے سرٹیفکیٹ فراہم کیے گئے ہیں۔
ملک میں پہلی بار، پاکستان سے اتنی بڑی تعداد میں ہندو پناہ گزینوں کو سرحدی شہر جیسلمیر میں منعقدہ دو روزہ میگا شہریت کیمپ میں ہندوستانی شہریت کے سرٹیفکیٹ دیے گئے۔ اس کے تحت جمعرات کو تقریباً 450 ہندو پاکستانی پناہ گزینوں کو شہریت کے سرٹیفکیٹ دیے گئے جب کہ بقیہ پاکستانی مہاجرین کو جمعہ کو ہندوستانی شہریت کے سرٹیفکیٹ دیے گئے۔ ہندوستانی شہریت ملنے کے بعد ان کے چہروں پر خوشی اور اطمینان کا ایک عجیب سا تاثر دیکھا گیا۔
پاکستانی مہاجرین کو ہندوستانی شہریت کے سرٹیفکیٹ فراہم کرنے کے لیے سورن میں ایک پروگرام کا انعقاد کیا گیا ہے۔
شہریت پروگرام میں جے پور سے ڈائریکٹر سطح کے افسر، جوائن ڈائریکٹر اویناش شرما مردم شماری آپریشن ڈائریکٹوریٹ جے پور سے مردم شماری کے آپریشنز ڈائریکٹر وشنو چرن ملک کے ساتھ پوری ٹیم پاک مہاجرین کو ہندوستانی شہریت دینے اور انہیں ہندوستانی ہونے کا سرٹیفکیٹ دینے کے لیے جیسلمیر کے ضلع کلکٹر پرتاپ سنگھ کے پاس پہنچے۔اس دوران ہندوستانی ہونے کا حق ملنے پر پاکستانی مہاجرین کے چہرے کھل اٹھے۔
انہوں نے ایک دوسرے کو مٹھائی کھلائی اور ایک دوسرے کو پھولوں کے ہار پہنا کر مبارکباد دی۔
ہمیں فالو کریں
