دہلی پولیس نے امانت اللہ خان پر 10 فروری کو جامعہ نگر میں پولیس ٹیم پر حملہ کرنے کا الزام عائد کیا تھا، جس کے بعد عدالت نے 13 فروری کو انہیں 24 فروری تک گرفتاری سے تحفظ فراہم کیا۔ اس کیس میں پولیس کا کہنا تھا کہ امانت اللہ خان کی قیادت میں ایک ہجوم نے ایک ملزم کو فرار کرایا تھا لیکن خان نے ان الزامات کو مسترد کرتے ہوئے کہا کہ ان کے پاس اس واقعے کے حوالے سے کوئی ٹھوس ثبوت نہیں ہیں۔
عدالت نے پولیس کو ہدایت کی کہ وہ اس کیس کے تمام متعلقہ شواہد، بشمول سی سی ٹی وی فوٹیجز، 24 فروری تک عدالت میں پیش کرے۔ امانت اللہ خان نے اس بات پر زور دیا کہ وہ ہمیشہ قانون کے مطابق عمل کرتے ہیں اور آئندہ بھی عدالت کی ہدایات پر عمل کریں گے۔
