امریکی صدر ڈونلڈ ٹرمپ نے حماس کو سخت وارننگ دیتے ہوئے کہا ہے کہ اگر غزہ میں یرغمال بنائے گئے 73 افراد کو ہفتے کی دوپہر تک رہا نہیں کیا گیا تو وہ اسرائیل اور حماس کے درمیان جنگ بندی کے خاتمے کا اعلان کر سکتے ہیں۔ انہوں نے مزید کہا کہ اگر اردن اور مصر غزہ کے فلسطینی پناہ گزینوں کو لینے سے انکار کرتے ہیں تو وہ ان کی مدد بھی روک سکتے ہیں۔
یہ بیان ایسے وقت میں آیا ہے جب حماس نے اسرائیل پر جنگ بندی معاہدے کی خلاف ورزی کا الزام عائد کرتے ہوئے یرغمالیوں کی رہائی معطل کر دی ہے۔ حماس کا کہنا ہے کہ یہ اقدام اسرائیل پر دباؤ ڈالنے کے لیے کیا گیا ہے تاکہ وہ معاہدے کی شرائط پوری کرے۔
