مہر خبررساں ایجنسی کے مطابق، فلسطینی مقاومتی تنظیم حماس نے فلسطین کے بارے میں صہیونی وزیراعظم نتن یاہو کی تجویز کو “گستاخانہ” اور “ناقابل قبول” قرار دیتے ہوئے کہا ہے کہ فلسطین کے بارے میں کسی بھی متبادل منصوبے کو فلسطینی عوام کے خلاف ایک کھلی سازش سمجھا جائے گا۔
حماس کے بیان میں مزید کہا گیا ہے کہ ہم جنگی مجرم نتن یاہو کے ان خیالات کو فلسطینی عوام اور سعودی عرب کے خلاف ایک معاندانہ اقدام سمجھتے ہیں، جو ان کی سامراجی سوچ اور جابرانہ عزائم کی عکاسی کرتا ہے۔
بیان میں مزید کہا گیا کہ عرب ممالک کو اسرائیلی وزیر اعظم کے توسیع پسندانہ عزائم کے خلاف مشترکہ حکمت عملی اپنانا ہوگی۔ مسلمان ممالک کو عملی اقدامات کے ذریعے اسرائیلی جارحیت کو روکنے کے لیے مؤثر اقدامات کرنے کی ضرورت ہے۔
